2024盂蘭文化節 | 維園免費入場 派平安米、化大士王、潮劇神功戲

【免費】盂蘭文化跨越百年歷史，一直留存大家生活中！農曆七月十五日（西曆8月18日）就係盂蘭節，俗稱「鬼節」，相傳呢段時間鬼門關大開。不過「鬼節」≠陰森恐怖，喺香港呢個現代化城市，其實仲保留住好多盂蘭節傳統活動。香港民間有燒街衣、祭祀亡靈嘅習俗，成個農曆七月，全港多區更會舉辦大型盂蘭勝會，現場會派平安米、化大士王，仲會上演潮劇神功戲等。其中，香港潮人盂蘭勝會被列入「國家級非物質文化遺產名錄」 。

即將喺銅鑼灣維多利亞公園舉辦嘅盂蘭文化節，有搶孤競賽、盆供堆疊賽、「盂蘭百願」互動體驗等新奇活動，仲有潮州粿品、抽紗公仔等工作坊，今年仲有全新嘅九龍寨城盂蘭事打卡點。想全方位感受呢項非遺文化，就要mark定日子嚟維園啦！

・2024盂蘭文化節 2024年8月23日至25日 上午10:00至晚上8:00
・香港島銅鑼灣維多利亞公園一號球場（免費入場）

#著數 #jetso #免費 #giveaway #jetsotoday #香港著數 #優惠 #試用裝 #體驗裝

資料／圖片來源：Jetso Today／Discover Hong Kong