結業餐廳2023 | 中環逾30年歷史日式放題餐廳「碗屋」宣佈租約期滿結業

【飲食】於中環屹立逾30年香港純日式放題老字號「碗屋」，在其官方專頁宣佈光榮結業，並恢復營業時間為每週7日；「碗屋」表示團隊多年來一直秉承為客人提供高品質食物及服務質素和真誠之心嘅宗旨，非常感恩成為了大家心目中給碗屋的美譽「富有濃厚人情味嘅高質料理店」！

由於租約期滿，將於2024年2月尾光榮結業，最後營業日期係2024年2月25日。回望多年來可以獲得各位超級粉絲們嘅愛戴支持和鼓勵，同時亦都因為你們，非常榮幸屢獲飲食必食大獎。非常感恩各位粉絲們一齊陪伴「碗屋」經歷30年的歷史時刻 ，實屬不易，團隊此時此刻嘅心情真係非常感動和欣慰，呢份感情永遠都唔會忘記，長留心中！由於現時嘅高租金、高成本及低客量留港消費模式轉變下，人情味始終敵不過現實世界，非常無奈…

再次衷心感謝各位粉絲們一直以來嘅支持，亦都非常期待你們能夠喺餘下嘅營業日子內懷緬一番，誠邀大家一同攜手幫這老字號畫上完美句號！衷心祝福各位粉絲們新年快樂、生活愉快！

#飲食情報 #著數 #jetso #免費 #giveaway #jetsotoday #香港著數 #優惠

資料／圖片來源：Jetso Today／碗屋