#半島酒店 The Peninsula Hotels 今佐日本料理 Imasa 日本料理優惠

#半島酒店 The Peninsula Hotels 今佐日本料理 Imasa 日本料理優惠

2020-08-14

【飲食】入門級Omakase價,大嘆半島酒店Imasa懷石料理!幾時先可以返鄉下?唯有繼續「食咗當去咗」系列。最新日本料理優惠係,推介去「平食」半島酒店 今佐日本料理 Imasa!潮流興食Omakase,人頭價動輒過千,可能都只係「入門級」。貴為當年全港第一間引入懷石料理嘅日本餐廳,今年係半島Imasa開業25周年,特別推出「今佐日本料理25周年紀念晚餐」,兩位價$2,525!另加$725配埋清酒,半島喎,兩位喎,呢個價錢真係求其搵間Omakase都未必食到。

重點係,食乜先?八道菜懷石料理,首先介紹刺身拼盤,絕對係吸睛之選。餐廳經理Jack Tse好老實話,Imasa冇海景,所以刺身拼盤嘅擺盤,本身視覺已經提升食慾,包括龍蝦、拖羅海膽、甜蝦… 配埋Jack特選嘅「北海道國士無雙旭神威純米大吟釀」,入口順滑清爽,車厘子甜瓜香氣,係北海道呀!

踏入25歲,Imasa紀念晚餐特別帶來歷年來深受歡迎嘅招牌菜式,好似係「鹽烤長野縣香魚」、「岩手縣生蠔配粟米天婦羅」、「石垣石烤鮑魚配飛驒牛柳」,尤其後者,A5和牛,table side即席炮製,入口即溶,特配口感順滑嘅岐阜縣天領天祿拜領純米大吟釀。

估你唔到,食完飛驒和牛,再配米沢和牛!米沢和牛茶漬飯糰,估你唔到嘅牛脂油香,令你無論有幾飽都想再食,前所未有嘅和牛新體驗。最後廚師精選甜品,配四國愛媛縣蜜柑酒,女仕必愛。

數一數,原來當晚飲過嘅sake,包括玉乃光、天領、鍋島、信州龜齡等等,全日飲勻全日本。最後,Jack仲送上25周年精緻雕刻日本製筷子套裝紀念品,同埋一張Imasa $250禮券。佢仲話,筷子製作成本精美,價錢拍得住塊和牛喎,信不信由你,但手工的確精美。

提提大家,呢個優惠即日起開始至9月30日,兩日前要預訂此晚餐。查詢 2696 6715 或 [email protected]

#JetHK #JETGourmet #半島酒店 #今佐日本料理 #Imasa 半島酒店 – 今佐日本料理 #著數 #jetso #免費 #giveaway #jetsotoday #香港著數 #優惠

» 詳情

資料/圖片來源:JET magazine

Article Categories:
Jetso · 飲食
Jetso Today 今日著數優惠折扣 – 著數情報、免費 Jetso、飲食情報、旅遊優惠、美容著數、免費試用裝