「智慧城市」巡迴展覽 互動遊戲、送紀念品

【免費】「智慧城市」巡迴展覽！「智慧城市」巡迴展覽嚟到呢幢已經超過80年歷史嘅建築物中環街市，為大家繼續展示創新科技點樣推動智慧城市嘅發展！大家郊遊遠足時有無見過水塘上有啲黃色船仔？呢啲其實係 #水務署 近年引入嘅無人船系統，專門用嚟監測水塘水質，工作人員透過基站電腦，可以遠距離控制無人船嘅航道，並在指定位置進行水質監測及取樣，確保食水水質安全。

仲有，#機電工程署 設計咗一套運用政府物聯通 GWIN 嘅遠足安全試驗系統及裝置，就算位處只有微弱甚至無網絡覆蓋嘅偏遠地區，都可以提供定位同埋求救功能，配合政府物聯通無人機，可建立一個流動物聯網絡。呢個研發項目重喺2022年榮獲日內瓦國際發明展嘅銀獎。另外，一款可以連接智能電話嘅裝置亦正在試驗當中，呢個裝置可以喺流動網絡及政府物聯通之間切換，增強系統嘅定位追蹤能力。

現場仲有介紹其他智慧科技同埋互動遊戲，「#智方便」嘅流動登記隊亦都會喺現場為各位登記「智方便」或者升級到有數碼簽署功能嘅「智方便+」。想了解更多智慧城市嘅詳情，大家記得嚟巡迴展覽參觀啦~ 展覽期內即場登記「智方便」及以「智方便」流動應用程式獲取獎賞計劃電子印花，領取紀念品。歡迎市民參與。

第四季「智慧城市」巡迴展覽地點
#中西區：6月1日至6月4日 中環街市二樓24小時通道 上午10時至晚上8時
#屯門區：6月8日至6月11日 屯門 V city 商場MTR層中庭 上午10時至晚上8時
#東區：6月15日至6月18日 柴灣新翠商場一樓中庭 上午10時至晚上8時
#大埔區：6月22日至6月25日 大埔超級城一樓中庭C區 上午10時至晚上8時

#資科辦 #OGCIO #香港智慧城市藍圖2_0 #智慧城市 #智慧香港 #智慧郊遊 #智慧政府 #無人船系統 #政府物聯通 #iAMSmart #使用智方便生活新體驗 #有獎遊戲 #著數 #jetso #免費 #giveaway #jetsotoday #香港著數 #優惠

資料／圖片來源：Jetso Today／資科辦