嗇色園黃大仙祠 元宵節免費派發月老手繩、精美燈籠、神秘禮物

【免費】新十五元宵佳節參神路線！星期日就喺新十五 元宵佳節啦！嗇色園當日會延長開放時間至晚上10時，最後入園時間為晚上9時，等大家可以有多啲時間嚟參拜月老；入園嘅善信記得留意返新十五參神路線啦！參神路線就同初一至十四嘅路線一樣，都喺實施單向人流管制，但就多咗幾個重要位置，記得要mark實啦！

・月老參拜及月老手繩派發處
位於月老廣場，大家可以喺到拎紅繩，然後參拜月老，祈求天賜良緣，下午2時後參拜月老，隨緣樂助，仲可以獲得月老手繩一條，數量有限，送完即止。

・燈籠派發處
位於正門入口處，下午5時後入園可以獲得精美燈籠一個；拎住燈籠，夜遊大仙祠，數量有限，送完即止。

・打卡拍照留念區
位於大殿平台五供位置，下午5時後開放俾大家影相打卡，大家仲可以拎住本園提供嘅道具影相！啲道具好靚㗎，著埋漢服，拎住道具打卡影相，一定有好多LIKE

・打卡影相禮物換領處
位於財神宮平台，下午6時後喺大仙祠內影完相，Follow 嗇色園 Facebook及Instagram，再up相打卡，記得要tag 嗇色園，再Hashtag #黃大仙祠元宵佳節，就可以過嚟換取神秘禮物一份，數量有限，送完即止。

・嗇色園「雲賞衣裳」華夏淑女漢服展示大賽
漢服比賽會喺晚上7時隆重舉行！大家如果想目睹漢服嘅精髓，記得喺下午6時45分到鳳鳴樓禮堂觀賽，認識漢服文化。希望大家元宵佳節參拜月老後，可以成功出pool，搵到心儀對象，預祝大家人月團圓，幸福美滿！

#嗇色園 #黃大仙祠 #黃大仙 #SikSikYuen #SikSikYuenWongTaiSinTemple #WongTaiSinTemple #WongTaiSin #癸卯年 #癸卯年新春 #兔年 #新春 #愛情 #姻緣 #出pool #月老 #漢服 #打卡 #影相 #元宵 #元宵佳節 #元宵好去處 #有獎遊戲 #著數 #jetso #免費 #giveaway #jetsotoday #香港著數 #優惠

» 詳情

資料／圖片來源：Jetso Today／嗇色園黃大仙祠 Sik Sik Yuen Wong Tai Sin Temple