Savewo 救世 x 馬沙之反擊 特別版口罩
Advertisements

Savewo 救世 x 馬沙之反擊 特別版口罩

2021-11-26

【購物】ν高達、沙薩比口罩強勢逆襲,展開宿命對決!一齊推爆佢!阿寶揸住首部搭載翼狀感應炮 Fin Funnel 嘅ν高達,開啟精神感應框架 Psycho Frame,加埋成班吉姆、渣古敵友不分嘅英勇支援,一齊發動奇蹟推走小行星亞古捷斯,拯救地球,絕對係高達史上最偉大戰役之一!每次睇返都超震撼,更將ν高達升上神枱,成為新舊高達fans嘅愛機之一!當然,戲中成為新自護統帥嘅馬沙一樣咁型,佢果部紅色沙薩比,配有大型盾牌同大型光束劍斧頭,仲有浮游炮,屈機又霸氣!神作魅力,人氣歷久不衰!

咁多人支持佢哋,SAVEWO都係時候出手啦!立即為大家公佈SAVEWO 救世 X GUNDAM 馬沙之反擊 專用超立體口罩!分別以高達史上兩大男神:阿寶及馬沙兩款登場,附精美鐵盒,珍藏度超高,fans們必入手!事不宜遲,立即為你解構!

殿堂級新人類駕駛員 阿寶.尼爾:元祖級高達駕駛員,初次登場於《機動戰士高達》,U.C.0079年9月18日,當時15歲嘅阿寶於殖民衛星Side7無意間登上高達RX78-2並擊退渣古,從此展開與自護嘅戰鬥,佢既活躍表現可以直接引領聯邦軍既勝利。嚟到U.C.0093,阿寶己經成為聯邦軍隆巴納隊指揮官,駕駛裝有精神感應框架同翼狀感應炮嘅ν高達對戰新自護,並成功將亞古捷斯推離地球軌道,而阿寶係推離亞古捷斯既光芒中帶著載有馬沙既沙薩比駕駛倉一同失蹤,成為永遠嘅英雄傳奇。

翱翔於戰場的紅色慧星 馬沙.亞斯洛布:阿寶嘅永遠宿敵,被喻為紅慧星嘅自護皇牌駕駛員!初登場時戴著面具,本名為卡斯巴爾.雷姆.戴昆,為向薩比家報殺父之仇而潛入自護公國軍校,並化名” 馬沙.亞斯洛布”,駕駛紅渣古、魔蟹、紅勇士及自護號等,與高達激戰。到咗U.C.0093年,建立新自護並成為總帥,駕駛配備米加粒子砲同浮遊砲嘅沙薩比出戰,計劃用小行星亞古捷斯撞向地球,最後被ν高達打到剩番駕駛艙,同阿寶喺亞古捷斯之役後一同失蹤。

阿寶.尼爾 RX-93 ν高達,口罩設計以阿寶駕駛嘅RX-93 ν高達嘅白色為主色,加上黑色口罩帶,盡顯簡潔時尚感!左上角印有 ν高達上面嘅紅色Amuro標誌,低調型格襯衫易!一盒10片裝於珍藏鐵盒,盒上印有重新繪製的翼狀感應炮 Fin Funnel,高達鐵粉認證!

馬沙.亞斯洛布 MSN-04沙薩比,口罩設計以馬沙駕駛嘅MSN-04沙薩比嘅紅色為主色,加上黃色口罩帶,展現沙薩比嘅皇者形象!印有沙薩比裙甲上嘅本名卡斯巴爾·雷姆·戴昆 キャスバル・レム・ダイクン,Casval Rem Deikun 縮寫字C.D.!鮮明又奪目!立體口罩的邊緣位置採用了「救世防爆邊技術」,不會外露白色邊緣,一盒10片裝於珍藏鐵盒,盒上印有重新繪製的沙薩比巨型盾牌,新自護信徒一定要有!

請自行評估網購風險,特別是預付形式。買家應向賣方查詢清楚,貨品或口罩規格、質素、資料等,免招金錢損失。建議面交付款形式,並應當面檢查口罩。網站只轉戴資料及報導。

#救世 #SAVEWO #香港研發 #香港設計 #香港製造 #馬沙之反撃 #RX93 #v高達 #沙薩比 #MSN-04 #nugundam #Sazabi #阿寶 #馬沙 #武漢肺炎 #新冠肺炎 #新型冠狀病毒 #肺炎 #著數 #jetso #jetsotoday #香港著數 #優惠

» 官方網店傳送門

資料/圖片來源:Jetso Today/Savewo 救世

Article Categories:
Jetso · 購物
Jetso Today 今日著數優惠折扣 – Jetso 著數情報、免費 Jetso、飲食 Jetso 情報、旅遊優惠、免費試用 Jetso、吃喝玩樂著數