商場活動 | 始創中心《千奇百趣「藝術鳥巢」創意展》

【玩樂】始創中心︳「藝術鳥巢」主題佈置 打造夏日綠色森林！今個夏天，始創中心將商場大堂打造成充滿大自然氣息，綠意盎然嘅森林，配以「藝術鳥巢」展品同生動可愛嘅雀鳥插畫，令整個商場增添藝術氣氛同活力朝氣！藝術色彩外牆裝飾~ 商場正門嘅玻璃外牆以造型千奇百趣嘅藝術鳥巢做設計主題，配合特別由本地插畫家奇美子為是次活動而設計嘅10隻香港常見雀鳥插畫穿梭其中，新穎有趣，色彩鮮艷繽紛，令大家係踏入商場一刻已能感受到濃厚嘅藝術色彩。

展櫃造型別出心裁~ 大堂中庭設置咗兩組別出心裁嘅展櫃，大樹造型嘅展櫃設計創新獨特，天然木紋樹幹配合唔同種類嘅植物盆栽，充滿藝術美感同森林氣息。展櫃內展示唔同主題同造型嘅「藝術鳥巢」展品同雀鳥模型，四周則綴以閃爍生輝嘅LED彩燈，金光閃閃，耀眼奪目，吸睛度十足。

至於另一邊廂則設置左兩座森林小木屋造型嘅展櫃，櫃頂嘅燈箱設計以雀鳥迎風飛翔同悠閒佇立唔同動態作剪影，堆疊出多層次嘅燈光效果，美輪美奐。展櫃內亦放置咗一系列來自唔同國家嘅「藝術鳥巢」展品，展品嘅背景綴滿翠綠亮麗嘅青苔植物，充滿大自然嘅清新氣息。

此外，樓梯兩旁亦設置左兩組維妙維肖嘅樹林擺設，造型優美生動，結構精巧細緻，絕對係打卡熱點。大家都快啲嚟影靚相啦！

#商場活動 #著數 #jetso #免費 #giveaway #jetsotoday #香港著數 #優惠

資料／圖片來源：Jetso Today／始創中心