#武漢肺炎 「青衣長康邨不是淘大 2.0」

#武漢肺炎 「青衣長康邨不是淘大 2.0」

2020-02-26

【資訊】長康邨不是淘大 2.0~ 疫症面前,更加要保持冷靜、理性,唔會比恐慌控制。作為Page 嘅管理員,都知大大隻字「淘大2.0」好搶focus,好吸Reach,但我都有責任傳播返正確消息。長康邨不是淘大2.0!TLDR 簡短版~ 淘大係結構設計問題,長康並沒有同一個問題,而呢個問題可能只出現係個別單位,但亦可能係多於一個單位,現階段未可以準確得知有幾多單位係咁。
 
淘大花園當年大型爆發係因為 U 型渠設計根本上出錯,所有單位U 型渠去水位都獨立連接,唔連洗手盆等,以致容易乾涸,令到隔絕病毒既功能失效。而長康邨既U 型渠係並沒有呢個問題,U 型渠連接洗手盆等可保持唔會乾涸。長康邨可能傳播原因係第二名患者單位中,連接排氣管既接駁位唔緊密,可能引致傳播。呢個可能只是個別單位問題,唔同淘大花園咁,係設計本身問題,影響全部單位,要睇下長康邨內有幾多個單位條排氣管有接駁不緊密既現象。
  
當然現階段冇人斷言到最後長康邨有幾多單位有呢個問題,或者最後有幾多患者,亦絕對唔係話長康邨冇一定唔會有傳播風險,但兩個屋苑既問題本質上係唔同,希望大家了解清楚。而今次有關部門馬上疏散居民既做法,個人覺得已經係好play safe,係好進取既防止傳播手段,去盡可能減低傳播。當然凌晨疏散居民、開記者會可能會嚇親大家,但希望大家了解清楚後,可以保持謹慎,但唔好過份恐慌。
 
#以正視聽 #武漢肺炎 #新冠肺炎 #新型冠狀病毒 #肺炎

» 詳情

資料/圖片來源:No Stake 醫學生

Article Categories:
資訊
Jetso Today 今日著數優惠折扣 – 著數情報、免費 Jetso、飲食情報、旅遊優惠、美容著數、免費試用裝