FWD 富衛保險呈獻 MIRROR.WE.ARE LIVE CONCERT 2022 演唱會 Q&A

【玩樂】MIRROR演唱會 Q&A！實名制買飛，如果我買兩張，係唔係都係打一個名就可以？唔係！記得一定要打演唱會出席人附有相嘅身分證明文件上英文全名！即係如果身分證明文件上你叫 Chan Tai Man，你同行朋友叫 Chan Siu Ming Peter，你就要喺買飛嗰陣，分別入哂呢兩個名，仲要小心唔好打錯呀！

Q：實名制買飛嗰陣，要同時入埋身分證號碼 / 上載 HKID 嗎？
A：唔洗，喺入場個陣，場地職員會要求入場人士出示 #附有相片嘅有效香港身份證或旅遊證件核對英文全名。提提你，如果當日出示唔到與相關身份證明文件相符嘅持票人士係唔可以入場，同時演唱會飛 ＋ 手續費係唔會退款的。

Q：我可以將我買到嘅演唱會飛，轉讓俾我朋友又或者轉第二場嗎？
A：唔可以，所有演唱會飛都 #唔可以轉讓、 #唔可以轉場次 ，#唔可以更改持票人姓名。

Q：演唱會幾歲先可以入場睇？
A：今次演唱會要6歲或以上先可以入場，詳情可以睇公開發售門票實名制須知，入場須知及重要啓事

Q：我有資格買MIRO 特別場演唱會飛嗎？
A：只要你已 #成功註冊成為MIRO會員，喺之前《 MIRO獨家專享「FWD 富衛保險呈獻 MIRROR.WE.ARE LIVE CONCERT 2022」門票網上抽籤認購活動 》中 #無中籤，同埋喺 6月1至6號 #成功登記 參加《 MIRO特別場門票登記購買活動》，就可以喺6月10號以先到先得形式購買，數量有限，售完即止。

Q：5月31日公開發售日，我可以買幾多張飛？
A：5月31日公開發售，每人每次可以買最多兩張實名制演唱會飛！而 6月10日MIRO特別場開售，每位合資格嘅 MIRO只可以購買一次，最多兩張實名制演唱會飛！

Q：如果我喺5月31日公售成功買到任何一場演唱會飛，我可以再登記參加《 MIRO特別場門票登記購買活動》嗎？
A：如果你係符合第五條 Q&A 中所講嘅3樣條件，你可以再登記並喺6 月10日以先到先得形式買飛，數量有限，售完即止。

Q：MIRO 特別場同行出席者要係 MIRO 嗎？
A： 每位合資格MIRO只限購買演唱會MIRO特別場演唱會飛一次，每位MIRO 購買最多兩張，需在Cityline 指定網站 (https://mirofans.cityline.com) 輸入 MIRO會員號碼同MIRO登記電郵地址認證身份。記得買嘅時候，打返演唱會出席人附有相片嘅身分證明文件上英文全名作實名制之用。
同行友人毋須一定為 MIRO。你可以約 MIRO 一齊去，又或者帶你嘅家人或朋友去！

Q：演唱會當日，要幾點到紅館核對身份？
A：如果係7月25至31日及8月2至4日場次，建議大家下晝6:30pm到達，而8月5至6日場次，則下晝4:30pm 到達現場，並依照工作人員指示，核對身份。主辦機構會為所有被核對身份後嘅持票人士加上記認， 演唱會開始前，可以再次記認及同你門票入場。

Q： 如果我需要購買輪椅人士座位，有特別留意嘅地方嗎？
A：入咗購買頁面後，有一個步驟係申請換取輪椅人士席 / 看顧人入座券，剔咗個一個格仔，就可以落去第二個步驟，揀票價同數量。

#MIRROR #MIRROROfficialFanClub #MIRO #MIRRORweare #MIRRORWEARELIVECONCERT2022 #著數 #jetso #免費 #giveaway #jetsotoday #香港著數 #優惠

資料／圖片來源：Jetso Today／MIRROR