假期好去處 | 免費預訂康文設施、公眾泳池免費開放、免費睇展覽、博物館

【免費】10.1樂繽Fun #康文設施 #免費玩玩玩 各位 #康文粉，嚟緊10月1日國慶日，康文署準備咗一份大禮！當日大家可以個人身分，#免費 使用康文署轄下多項收費康樂文化設施！而家就逐格開箱，同大家解鎖 有咩設施啦！率先登場嘅係 #康樂設施 啊！大家可以喺9月25日 星期一 早上7點起，喺各區「康體通」櫃枱（不包括自助服務站）同網上預訂系統，以先到先得方式預訂1節10月1日未被團體預訂嘅設施。

室內康樂設施：羽毛球場、網球場、籃球場、投球場、排球場、壁球場、乒乓球枱、美式桌球枱、英式桌球枱、運動攀登牆、草地滾球場、高爾夫球設施、健身室、活動室、舞蹈室同單車賽道。

戶外康樂設施：網球場、網球練習場、草地滾球場、棒球練習場、運動攀登牆、射箭場同高爾夫球設施（唔包括營地設施、運動場、人造草同天然草地球場）。

有陸地自然有水上，當日公眾游泳池都會免費開放，無須預約，只要開放時段前，喺泳池入口處排隊輪候就得㗎啦，先到先得，額滿即止（唔包括以下游泳池：灣仔游泳池、港島東游泳池、大角咀游泳池、何文田游泳池、東昌街游泳池、青衣西南游泳池、屏山天水圍游泳池及九龍仔游泳池）。另外，水上活動中心艇隻 一樣免費開放㗎（創興水上活動中心嘅康樂獨木舟、水上單車、舢舨同彩艇只供營友免費使用）。留意返！如果要預訂健身室、單車賽道、運動攀登牆、射箭場以及水上活動中心艇隻，須持有相關嘅資歷證明，詳情可以瀏覽專題網頁 。

10月1日香港科學館 + 香港太空館嘅常設展覽（天象廳節目除外），香港科學館「天生我『材』 材料科學與設計」專題展覽會免費開放，仲有免費開放嘅博物館：香港藝術館、香港文化博物館、香港歷史博物館、孫中山紀念館、茶具文物館、香港海防博物館、葛量洪號滅火輪展覽館、羅屋民俗館、李鄭屋漢墓博物館、上窰民俗文物館、香港電影資料館、三棟屋博物館、油街實現及香港視覺藝術中心。有齊室外室內設施，動靜皆宜，揀好心水，10月1日同屋企人大玩特玩啦！

#康樂及文化事務署 #康文署 #LCSD #康文十十十 #LCSDPlusss #免費 #國慶 #假期好去處 #康文親子樂 #活力仔有心水 #思文喵好介紹 #著數 #jetso #免費 #giveaway #jetsotoday #香港著數 #優惠 #試用裝 #體驗裝

» 免費康樂設施使用條件

資料／圖片來源：Jetso Today／康文＋＋＋