#武漢肺炎 K Kwong 「自己試口罩真假」

#武漢肺炎 K Kwong 「自己試口罩真假」

2020-04-01

【資訊】自己試口罩真假?信spec?盒有日本字,冇「製造廠商」名、產地。雖然有可能盒内口罩係用得,但你自己諗。火燒並不是一個測試方法,K Kwong 講嘅!唔信就冇法子。目視,如果放口罩係報紙雜誌上,穿過口罩見到啲内容,一定流!

正式嘅三層口罩,内層吸水,水滴立即吸收,中、外層排水,水滴成珠。但最近產品已經全部都排水,所以呢個水珠測試冇乜大用。只可分别到中層是否紙。如果 Laser pointer 射得穿:一定假。但射唔穿:未必真。正常口罩用水壼噴霧係唔穿,水柱多數穿。

【check meltblown 最重要】亦最難學。

A. 中層meltblown pp 你慢慢撕開,用嘅力係比撕開外層spunbond pp少。而啲絲係好幼,幼過BB毛好多,而有靜電,好似啲日本木魚絲咁。好得意,自己會郁。啲碎片好黏手。
B. 中層啲靜電手感,我教你唔到,呢個係經驗。
C. 正式合格 Meltblown 嘅厚度係不太透光,但最近已有古惑貨加咗碳酸鈣增加重量同遮光度,好難 check。我自己要捽好多次先驗到呢D古惑貨。
D. 正式合格 Meltblown 向光照唔應該有小孔,但最近好多都有1-4個,呢D係次貨。

你如果信個盒上面寫乜 BFE、PFE、VFE > 95%,而個盒連「廠名」「地址」都冇。我會同你講,你真係可愛!祝你好運!唔好俾乜廠物廠果啲 spec、乜証書、乜大學研發,果啲 link 嘅口罩,問我得唔得。以前係好景買咗好多個盒係「步兵」,裏面係「騎兵」嘅 VCD或DVD 呃咗好L多$。

請自行評估網購風險,特別是預款形式。買家應向賣方查詢清楚,貨品或口罩規格、質素、資料等,免招金錢損失。建議面交付款形式,並應當面檢查口罩。網站只轉戴資料及報導。

#武漢肺炎 #新冠肺炎 #新型冠狀病毒 #肺炎

» 詳情

資料/圖片來源:K Kwong

Article Categories:
Jetso · 資訊 · 購物
Jetso Today 今日著數優惠折扣 – 著數情報、免費 Jetso、飲食情報、旅遊優惠、美容著數、免費試用裝