渣哥 一九九六 晚市外賣自取震撼 5 折優惠
Advertisements

渣哥 一九九六 晚市外賣自取震撼 5 折優惠

2020-07-25

【飲食】暖暖在心頭~ 上星期三,柒婆話6點禁堂食開始,大渣哥就癲癲哋咁宣布晚市震撼半價優惠,事實又真係幾震撼,仲記得第一晚,條龍排到過天橋,有人排咗個幾鐘都仲笑笑口話… 你哋真係好好人吖!渣哥暖暖在心頭,幫到別人自己又滿足之餘兼仲好似有少少賺添,如果唔計舖租人工燈油火蠟嘅話!

嗱,長話短說,渣哥一心諗住7日啫,蝕得幾多吖,點知晴天霹靂整單1611發燒仲要環遊全港事故,搞到要即時拉閘,徹底消毒加上全體快速深喉唾液核酸檢測,還好全部人無事,但就求求其唔見幾廿皮!諗住咁都算啦,點知禽日條失控儍笑嘅小丑柒又宣布為著配合佢繼續引入佢班蝙蝠俠,又再搞9 多7日,條柒婆唔封關,就香港人埋單!

渣哥團隊隨即緊急會議,綜合意見都認為必須減少啲折扣才能維持收支平衡,建議半價改為8折,若然長期半價,對公司整體營運會造成頗大影響,一個唔覺意摺埋… 啋!聽取哂所有意見之後,渣哥經過深思熟慮咗成3分鐘,淥完個杯麵之後,決定含淚宣布由即晚起 取消 晚市自取震撼半價優惠,改為 晚市自取震撼 5 折優惠!直至7月28,到時未執笠先再算!係呀,係 5 折呀,點呀,犯法呀!

乖啦,知你好感動!但都唔好周街喊吖大佬… 喂你仲喊!點解渣哥幾廿歲人都要咁任性?因為… #我哋真係好撚鍾意香港呀 #犯法呀!溫馨提示,全店食物正常備貨數量,售完即止。18:00後正價外賣服務及電話落單繼續暫停,直至另行通知。為防止啲Blue object喬裝人類混入排隊,本店保留一切權利,謝絕招待。

#黎明前總是黑暗 #香港人加油 #著數 #jetso #免費 #giveaway #jetsotoday #香港著數 #優惠

» 詳情

資料/圖片來源:渣哥 一九九六

Article Categories:
飲食
Jetso Today 今日著數優惠折扣 – Jetso 著數情報、免費 Jetso、飲食 Jetso 情報、旅遊優惠、免費試用 Jetso、吃喝玩樂著數