HK Express 香港快運 x LikeJapan 2024 櫻花季攻略
Advertisements

HK Express 香港快運 x LikeJapan 2024 櫻花季攻略

2024-03-29

【玩樂】HK Express 香港快運 x LikeJapan 2024 櫻花季攻略!日本各地嘅櫻花喺3月開始相繼盛開,好多人都有計劃去日本賞櫻。而家HK Express搵嚟喜愛日本 Like Japan嘅編輯部整合咗幾個香港快運日本航點同埋附近嘅預測開花時間同推薦賞櫻地,方便大家做行程安排。不過要留意,賞櫻季節好熱門,建議大家要提早預訂機票。祝大家賞櫻之旅愉快!

【東京都】
預測開花時間:3月21日
推介賞櫻地:上野恩賜公園

作為「日本櫻花名所100選」之一嘅上野恩賜公園,種植咗50種共約800棵櫻花樹,係日本其中一個最具代表性嘅賞櫻地!上野恩賜公園亦會舉辦「上野櫻花祭」、古董市集同埋特色活動;夜晚嘅夜櫻更加增添一份浪漫氛圍,係去東京賞櫻嘅必去之地!

【大阪】
預測開花時間:3月25日
推介賞櫻地:花博紀念公園 鶴見綠地

花博紀念公園內種植咗好多唔同品種嘅花卉,而櫻花亦喺4月上旬盛開!河津櫻會較早盛開,而陽光櫻、染井吉野櫻同埋八重櫻等都會陸續盛放。公園內有約1100棵以上嘅染井吉野櫻,園內嘅大池東側同山側更係賞櫻嘅絕佳位置!

【京都】
預測開花時間:3月28日
推介賞櫻地:銀閣寺/哲學之道

「哲學之道」以京都大學嘅哲學教授西田幾多郎命名;路兩旁種滿櫻花,一路延伸到銀閣寺。行到路上可以俯瞰運河,而喺櫻花盛開嘅時候,更有機會睇到河面上落滿粉紅花瓣嘅櫻花絨毯,非常夢幻。

【名古屋】
預測開花時間:3月20日
推介賞櫻地:名城公園

名城公園內好多位置都可以望到名古屋城,淡粉色嘅櫻花同名古屋城嘅白牆形成鮮明對比,賞心悅目。沿住池邊悠閒漫步,欣賞池周圍約200棵染井吉野櫻;亦可以喺春色滿園嘅公園中欣賞各種綻放嘅春季花卉。

【福岡】
預測開花時間:3月21日
推介賞櫻地:舞鶴公園

舞鶴公園內種植咗約1000棵櫻花樹,包括染井吉野櫻、八重櫻同埋山吹櫻等。公園位於福岡市中心,係一個適合全家人同埋情侶一齊賞櫻嘅地方。公園內有湖泊同埋小山丘,可以一邊散步一邊欣賞櫻花的美景。

【仙台】
預測開花時間:4月5日
推介賞櫻地:白石川堤 一目千本櫻

位於仙台嘅「一目千本櫻」係日本櫻花名所之一,背景係清澈嘅白石川同埋藏王山脈。喺陽光明媚嘅春日下,河邊開滿櫻花,同時綻放,景色十分壯觀!除咗櫻花節之外,仲有「賞花見屋形船」同埋夜櫻點燈活動,吸引好多遊客嚟欣賞。

以上預測開花時間來自日本氣象協會及日本氣象株式會社資訊,謹作參考之用

#旅遊優惠 #機票優惠 #酒店優惠 #著數 #jetso #免費 #giveaway #jetsotoday #香港著數 #優惠

» 「日本氣象協會」開花預想網站

資料/圖片來源:Jetso Today/HK Express

Article Categories:
旅遊優惠 · 澳門優惠 · 熱門優惠 · 玩樂
Jetso Today 今日著數優惠折扣 – Jetso 著數情報、免費 Jetso、飲食 Jetso 情報、旅遊優惠、免費試用 Jetso、吃喝玩樂著數