利是封回收重用 | 綠領行動回收利是封 超過400個公眾回收點(持續更新)
Advertisements

利是封回收重用 | 綠領行動回收利是封 超過400個公眾回收點(持續更新)

2024-03-15

【免費】綠領行動向公眾收集利是封啦!初十啦,唔知大家今年逗咗幾多利是呢?去到十五就可以拆利是啦!你哋又打算點樣處理啲利是封呢?綠領行動最新調查發現,香港人平均每年用3.2個利是封,相當於斬咗16,300棵樹呀!你哋唔係打算用完即棄掛?

回收固然係一個好嘅選擇,但係而家啲利是封愈印愈精美,又熨金又UV,其實好多都不利回收㗎,所以自己留起重用就係最好!如果仲係太多,可以交俾綠領行動,經過整理後出年再免費派畀市民重用,減少節日浪費,保護森林!由即日起至3月17日,大家可以到全港超過400個公眾回收點,包括商場、個人護理產品店、屋苑、商鋪及食肆等,將利是封放入指定收集箱,一齊減少浪費!不過唔係所有利是封都適合拎去回收重用!唔想浪費咗呢份心意,送去回收前要睇清睇楚啦!千祈唔好將以下利是封放入收集箱!

・有生肖、年份或姓氏
・自動黏貼封口
・寫咗字或畫花咗
・有釘或有釘痕
・有摺痕或破損

唔符合條件嘅利是封點算呢?大家可以留喺屋企重用,又或者發揮一下創意小宇宙,用嚟造手工,最後先係廢紙回收!請注意,本會辦事處不會收取任何利是封!

#著數 #jetso #免費 #giveaway #jetsotoday #香港著數 #優惠 #試用裝 #體驗裝

» 利是封公眾回收點地址(持續更新)

資料/圖片來源:Jetso Today/綠領行動

Article Categories:
免費 · 玩樂 · 農曆新年
Jetso Today 今日著數優惠折扣 – Jetso 著數情報、免費 Jetso、飲食 Jetso 情報、旅遊優惠、免費試用 Jetso、吃喝玩樂著數