Good Mask Premium系列平面 琥珀黃色口罩自願回收安排
Advertisements

Good Mask Premium系列平面 琥珀黃色口罩自願回收安排

2022-09-30

【資訊】Premium系列平面 琥珀黃色口罩自願回收安排!最近收到消費者委員會最新嘅報告,抽驗結果顯示 Good Mask Premium系列琥珀黃色平面口罩(成人中碼 175x95mm|批次為2021年5月生產|琥珀黃色),未能完全達致 Level 3級別。

作為一個以客為本嘅公司,Good Mask一直以嚟都會不定期進行隨機抽檢,以確保可以提供優質嘅香港製造口罩。而同期於2021年07月我哋亦都做咗一份詳細抽檢,檢測機構到我哋嘅貨倉隨機抽取39款產品作檢測,報告指出全部產品均達致 Level 3級別。而最新2022年7月的年檢報告,同時亦抽樣檢測不同款式的口罩,亦同樣能達致 Level 3級別。

為能夠精益求精作出提升,我哋己經即時進行內部安排
1)回收門市所有Premium系列琥珀黃色口罩(所有尺碼)及於網上下架,統一進行銷毁;
2)同步進行內部檢討:從採購、生產、製造、到QC,整個流程重新檢視;
3)現正引入測試儀器(包括 PFE Tester、合成血液測試器、壓力差距儀),進行雙重測試程序:第一重測試-定期自行抽樣測試,第二重測試-再交予檢測機構進行隨機抽樣測試,希望能更有效確定我哋的口罩品質。

Good Mask作為一間承傳香港製造同盡責嘅公司,對於今次嘅報告,除咗對內檢討希望能夠做得更好,同時亦會為大家安排回收同更換口罩安排,詳情如下

回收產品:Premium 系列|琥珀黃色平面口罩|任何尺碼|包括30片及50片裝
更換流程:
1) 由即日起至2022年9月30日
2) 憑購買單據或拎住回收產品嘅口罩包裝紙盒到Good Mask 任何一間門市(己開盒亦可更換)
3) 即時換領相同盒數的口罩(憑單據上的盒數或口罩包裝紙盒嘅數量計算)
4) 可以挑選任何款式及尺碼以作更換
是次回收僅涉及以上「回收產品」,並不影響Good Mask 其他產品,本公司重申所有產品皆符合所標示之標準,顧客可安心配戴。

請自行評估網購風險,特別是預付形式。買家應向賣方查詢清楚,貨品或口罩規格、質素、資料等,免招金錢損失。建議面交付款形式,並應當面檢查口罩。網站只轉戴資料及報導。

#武漢肺炎 #新冠肺炎 #新型冠狀病毒 #肺炎 #著數 #jetso #jetsotoday #香港著數 #優惠

» 詳情

資料/圖片來源:Jetso Today/Good Mask

Article Categories:
資訊 · 購物
Jetso Today 今日著數優惠折扣 – Jetso 著數情報、免費 Jetso、飲食 Jetso 情報、旅遊優惠、免費試用 Jetso、吃喝玩樂著數