乾枸杞子樣本含金屬污染物、除害劑殘餘？枸杞子檢測報告點睇？

【資訊】枸杞子檢測報告點睇？有機構喺市面抽取咗27款乾枸杞子樣本，進行食用安全同營養素含量嘅測試。該機構報告指有樣本含金屬污染物、除害劑殘餘等。食安有話兒~ 金屬喺環境中天然存在。雖然報告中嘅枸杞子樣本檢出微量金屬污染物，但所有測試結果都符合本港法例、食品法典委員會同中國藥典嘅要求。

就兩款鉛含量接近規例上限嘅產品，食安中心已即時抽取同款產品進行化驗，經轉換系數後嘅檢測結果為合格（分別為每公斤食物含0.01毫克鉛及沒有檢出鉛）。至於驗出微量除害劑（農藥）殘餘嘅枸杞子產品，食安中心嘅風險評估顯示所有樣本喺正常食用情況下唔會影響健康，符合法例要求。以該機構報告中提及嘅除害劑「蟲蟎腈」同 埋「百菌清」為例，市民需每日分別進食超過29公斤及16公斤相關嘅枸杞子產品，先可能對健康構成風險

食安提示
• 消費者應光顧信譽良好嘅店鋪，避免選購顏色異常鮮艷及價錢過於便宜嘅枸杞子
• 盡量選擇有完整包裝嘅枸杞子產品，咁樣有助穩定品質，減少變質、蟲蛀、污染及受潮嘅機會
• 乾嘅枸杞子應該貯存喺密封乾淨嘅容器內，並放喺陰涼、通風、乾燥嘅地方
• 經過浸泡咗嘅枸杞子應該盡快使用，以免滋生細菌

#枸杞子乾檢測報告點睇 #杞子 #枸杞子 #食安有話兒 #以上係食安中心分析某機構嘅調查報告結果 #金屬喺環境中天然存在 #測試結果全部符合本港嘅法例_食品法典委員會_以及中國藥典嘅要求 #驗出微量除害劑殘餘嘅杞子產品 #喺正常食用情況下唔會影響健康 #貯存喺密封乾淨嘅容器 #放喺陰涼通風處 #食物安全中心 #食安中心 #CFSTeam #食安小隊 #食安仔 #食安妹妹 #飲食情報 #著數 #jetso #免費 #giveaway #jetsotoday #香港著數 #優惠

資料／圖片來源：Jetso Today／食物安全中心