隔夜菜致癌?熟菜放雪櫃致癌物不會增加、食安中心貯存熟菜貼士
Advertisements

隔夜菜致癌?熟菜放雪櫃致癌物不會增加、食安中心貯存熟菜貼士

2022-07-27

【資訊】食安闢謠 為「隔夜菜」申辯!阿仔平時返工帶飯,但係佢聽人講煮熟咗嘅菜擺一晚(即係「隔夜菜」),會產生好多「亞硝酸鹽」影響健康,攪到個仔而家唔敢擺菜入飯盒,點算?知道大家關注「隔夜菜」嘅食安問題,食安中心公布咗一項研究結果,分析煮熟咗嘅蔬菜放喺雪櫃(攝氏0 至4度)同埋室溫,菜嘅亞硝酸鹽含量喺約3日嘅變化。

結果顯示 煮熟咗嘅菜放喺雪櫃一晚,亞硝酸鹽含量唔會增加,亞硝酸鹽嘅形成同細菌有直接關係;低溫抑制細菌生長同埋佢嘅活力,減慢亞硝酸鹽嘅形成,所以放喺室溫嘅熟菜,亞硝酸鹽會快啲出現(約12小時後開始出現),而放喺雪櫃嘅熟菜就要等3日先有微量嘅亞硝酸鹽出現。

喺日常飲食,食多啲唔同種類嘅蔬菜,有助預防某啲癌症及其他慢性疾病。仲有呀,想減少亞硝酸鹽嘅形成,重點應該放喺「安全貯存剩菜」而唔係「剩菜嘅種類」。為咗確保食物安全,處理剩餘食物(包括熟咗嘅菜),應該跟從以下要點。每次只預備適量食物,減少剩餘食物嘅分量。如果要準備第二日食嘅餐盒,熟菜應該放喺乾淨嘅淺身容器內冷卻,並要喺煮後 2 小時內放入雪櫃貯存。不過,都唔好放喺雪櫃多過3日,應該盡快食咗佢。進食貯存喺雪櫃嘅剩菜或餐盒前,應該徹底翻熱至中心溫度達攝氏75度,千祈唔好翻熱多過1次。如果熟菜已經放喺室溫超過4小時,就唔好食喇!

#食安闢謠 #食安研究有測試有數據有真相 #熟菜嘅亞硝酸鹽含量與存放溫度有關 #煮熟咗嘅菜放喺雪櫃一晚亞硝酸鹽含量唔會增加 #以後帶飯記住要帶菜呀 #跟足以上食物安全要點 #食物安全中心 #食安中心 #CFSTeam #食安小隊 #著數 #jetso #免費 #giveaway #jetsotoday #香港著數 #優惠

» 詳情

資料/圖片來源:Jetso Today/食物安全中心 Centre for Food Safety

Article Categories:
資訊 · 飲食
Jetso Today 今日著數優惠折扣 – Jetso 著數情報、免費 Jetso、飲食 Jetso 情報、旅遊優惠、免費試用 Jetso、吃喝玩樂著數