A Piece Of Organic APOO 免費送出 保濕燕麥茶樹皂 + 香薰消毒酒精

A Piece Of Organic APOO 免費送出 保濕燕麥茶樹皂 + 香薰消毒酒精

2020-03-26

【免費】《齊齊抗疫,送暖行動3.0》免費送出 保濕燕麥茶樹皂10g 800件 + 香薰消毒酒精20ml 200支!防疫用品開始又有炒起嘅跡象,係呢個時候恰巧一個月之前計劃好打算派同埋打好嘅皂,終於都成熟咗,喺市道好差同埋逆境之中,APOO 好希望一齊真· 守望相助。今次係送暖行動3.0!

上次文章一出,好多客人擔心,再嚟3.0仲頂唔頂得住,放心,小店仲頂得住,暫時唔會因為送多1,000件抗疫產品就會執,最多,未來如果業主都唔肯減租嘅話就大不了,大屋搬細屋,點都唔會執笠,頂到幾多得幾多!其實好命硬!

不過,如果搬細咗,大家會繼續支持嗎?總覺得呢個世界,由其疫症之中,呢段時間個個都好好好好辛苦,每個人都已經差唔多爆嘅情況下,apoo只希望一件簡單嘅番梘,一支簡單嘅酒精,送完又送,其實想比大家知道幾辛苦都會喺埋一齊捱嘅。代表拍下你膊頭咁嘅意思。社交距離係需要嘅,唔係真係拍到膊頭,但係都可以講聲加油!

另外,撇除上次600件包裹,A Piece Of Organic APOO 同事有天昏地暗嘅感覺,個operation 數量原來並唔係小店可以負荷到,加上同事今個月開始返AB Team 更home office ,今次郵寄方面,恕末能夠安排到太多… 但係每包件數方面就會送多少少。

3.0 準備咗200套送比前線醫護~ A Piece Of Organic 開放申請時間為由即日起至4月9號,請注意,寄出日期為4月10之後。假如人手唔夠回覆可能會比較怠慢的話,真係唔好意思。為咗保障大家前線醫護人員嘅私隱度,請將大家嘅證件遮住有需要保護嘅位置,簡單確認到閣下你嘅身份APOO 就會寄出產品。請注意,APOO 嘅回覆會係一至到三個工作天 每位身份可以限寄一包,送完即止。

完成簡單嘅批核之後,寄出一個包裹裏面會有,2個茶樹洗手皂同一枝20ml 香薰酒精。其餘500個保濕皂係比一般市民大眾,尤其係歡迎洗手洗到有爛手嘅問題都歡迎你嚟拎。大家可以由今日起至到4月9號可以,超慢慢唔急嘅速度拎取,因為其實有大量係四間分店,大家請按誠實機制,唔好拎完回頭再拎,雖然其實我哋未必會認得,好希望香港人大家自律。

銅鑼灣,旺角屯門及南昌均店由即日起,可以領取(荃灣店除外)。如果有朋友需要嘅就分享呢個文章俾佢或者係私底下PM呢條link俾佢啦。同上次都係一樣,唔需要購物,唔需要買嘢,但如果可以嚟拎嘅話,見到門市同事講聲加油,好嘛?

#我哋都係香港人 #apoo #略盡棉力 #武漢肺炎 #新冠肺炎 #新型冠狀病毒 #肺炎

» 詳情

資料/圖片來源:A Piece Of Organic – APOO

Article Categories:
Jetso · 九龍 · 免費 · 街頭推廣 · 香港
Jetso Today 今日著數優惠折扣 – 著數情報、免費 Jetso、飲食情報、旅遊優惠、美容著數、免費試用裝