西貢蕉坑「漁館」免費入場參觀 體驗漁民生活、免費玩多媒體遊戲

【免費】#活動快訊 漁館重新開放喇！以漁業為主題嘅展覽館「漁館」以全新面貌開放畀公眾免費入場參觀。「漁館」介紹香港漁業歷史、捕撈同埋養殖漁業嘅現況，以及現代化養殖模式嘅發展。館內五個吉祥物「黃唇老師」、「紅衫」、「青衣」、「黃鱲鯧」同埋「烏頭」，都係好有代表性嘅本地捕撈同養殖魚種，佢哋會帶大家參觀漁館，多角度認識本地漁業。

今次翻新除咗提供最新漁業資訊外，亦加入好多多媒體同互動元素，透過模型、標本、動畫同互動遊戲，令大家了解本地漁業嘅特色。大家趁聖誕假期一於去「漁館」參觀下！

開放時間：9:30-16:30（逢星期二、農曆年初一及初二休館）
地址：西貢蕉坑獅子會自然教育中心

#AFCD #漁護署 #獅子會自然教育中心 #漁館 #漁業歷史 #捕撈漁業 #養殖漁業 #可持續發展 #互動遊戲 #東龍洲養殖示範場 #著數 #jetso #免費 #giveaway #jetsotoday #香港著數 #優惠 #試用裝 #體驗裝

資料／圖片來源：Jetso Today／漁農自然護理署