Sushiro 壽司郎 期間限定「冬のうまいもん」
Advertisements

Sushiro 壽司郎 期間限定「冬のうまいもん」

2022-12-30

【飲食】Sushiro 壽司郎 即日起開售「冬のうまいもん」,鮟鱇魚肝 & 鱈魚白子軍艦又再度販售啦!踏入12月~ 冬天氣氛愈嚟愈濃厚,嚟緊嘅氣溫仲有可能會下降,大家都緊記要多注意身體,好好做足保暖呀!咁凍嘅天氣,當然唔少得要食返多啲嘢!補充返能量啦!壽司郎「冬のうまいもん」就為大家帶嚟咗多款冬日旬之美味食材~

重點推薦!大切油甘魚配鮟鱇魚肝,創作壽司嘅魅力實在令人難以抗拒,將兩種冬季旬之食材,油甘魚配上鮟鱇魚肝,再加上柚子醋調味~ 肥美濃厚嘅口感充滿驚喜!紅瞳赤鯥超人氣嘅高級魚「紅瞳赤鯥」再次登場!喺店內將魚皮炙燒,以最大限度咁發揮油脂嘅風味,魚油香配上幼嫩嘅肉質,實在令人一試難忘!

豚肉味噌湯烏冬 濃郁嘅味噌湯用咗烤飛魚高湯同埋兩種味噌嚟調味~ 再加入豬肉同蔬菜,喺一款日本冬季經典嘅料理!趁住冬天,推薦大家都點番碗暖笠笠嘅湯烏冬品嚐!

巴斯克烤芝士蛋糕!話題度極高嘅「巴斯克烤芝士蛋糕」又再次有得食啦!使用澳洲Cream Cheese製作,將麵粉量減少到極限,從而製作出入口即化嘅芝士麵團,輕盈嘅半熟感,濃厚嘅芝士香氣~ 配合埋壽司郎特製忌廉~ 試過嘅就知幾好食!

「冬のうまいもん」限定商品全線分店有售(*鰂魚涌店、馬鞍山店除外);期間限定商品數量有限,售完即止;詳情請向店員查詢

#壽司郎 #スシロー #SUSHIRO #迴轉壽司 #壽司 #香港在住 #冬のうまいもん #飲食情報 #著數 #jetso #免費 #giveaway #jetsotoday #香港著數 #優惠

資料/圖片來源:Jetso Today/Sushiro 壽司郎

Article Categories:
飲食
Jetso Today 今日著數優惠折扣 – Jetso 著數情報、免費 Jetso、飲食 Jetso 情報、旅遊優惠、免費試用 Jetso、吃喝玩樂著數