綠領行動 至smart回收利是封注意事項

【資訊】綠領行動 至smart回收利是封注意事項！注意注意注意！好重要要講3次！噚日公布完利是封回收點之後，好多人查詢呀！再提一提，由即日起至2月27日 農曆二月初八，大家可以到全港超過250個公眾回收點（包括商場、個人護理產品店、屋苑、商鋪及食肆等)，將利是封放入指定收集箱，減少節日浪費，將呢份福氣封完又封，派完再派！

不過呢，收集利是封嘅主要目的，係鼓勵大家重用，所以唔係所有利是封都適合拎去回收！唔想浪費咗呢份心意，送去回收前要睇清睇楚啦！千祈唔好將以下利是封放入收集箱 包括 有生肖、年份或姓氏；自動黏貼封口；寫咗字或畫花咗；有釘或有釘痕；有摺痕或破損。

回收返嚟嘅利是封並會送去庇護工場，由學員篩選、分類同貼上貼紙後成為「新生利是封」，出年再免費派畀市民重用。唔符合條件嘅利是封點算呢？大家可以留喺屋企重用，又或者發揮一下創意小宇宙，用嚟製作新年掛飾，最後先係廢紙回收。

溫馨提示：綠領行動祖堯辦事處唔係回收點，唔好將利是封送去綠領祖堯辦事處呀，唔處理㗎！

#綠領行動 #GreenersAction #新年 #兔年 #癸卯年 #逗利是 #派利是 #利是封回收 #利是封重用 #利是封回收重用大行動 #著數 #jetso #免費 #giveaway #jetsotoday #香港著數 #優惠 #試用裝 #體驗裝

» 利是封公眾回收點地址（持續更新）

資料／圖片來源：Jetso Today／綠領行動