資訊分享 人痘牛痘猴痘分不清?
Advertisements

資訊分享 人痘牛痘猴痘分不清?

2022-06-23

【資訊】人痘牛痘猴痘分不清?上個貼文同大家講解過「猴痘」。咁大家又有無聽過「牛痘」同「人痘」呢?其實佢哋同「天花」呢種傳染病好有關係。「天花」最早於第4世紀已經出現,喺16世紀時曾肆虐全球造成350多萬人死亡。後來醫學界發現把牛痘病毒接種到牛隻嘅肚皮,再於兩星期後收取,便可製造成天花疫苗,供人類預防天花病毒。

直至1980年,世界衛生組織(WHO)正式宣佈天花病毒自地球上完全根除,不會再自然發生,並建議所有國家停止接種牛痘疫苗。而天花病毒就成為第一種被人類從自然界根除嘅病毒,「牛痘」可謂功不可沒。至於「人痘」就比牛痘更早出現。相傳古代嘅人將天花患者嘅體液製成粉末讓人吸入,或直接把患者嘅體液塗抹於手臂上,就可以令人對天花免疫,情況與打疫苗相似。雖然猴痘未有跡象會喺香港爆發,但現時已有29個非猴痘流行嘅國家及地區向世衛組織報告超過1,000宗確診病例,所以大家千萬唔好掉以輕心呀。

#猴痘 #社區健康教育計劃 #香港紅十字會 #武漢肺炎 #新冠肺炎 #新型冠狀病毒 #肺炎 #著數 #jetso #jetsotoday #香港著數 #優惠

資料/圖片來源:Jetso Today/香港紅十字會

Article Categories:
Jetso · 資訊
Jetso Today 今日著數優惠折扣 – Jetso 著數情報、免費 Jetso、飲食 Jetso 情報、旅遊優惠、免費試用 Jetso、吃喝玩樂著數